اللي توجعك في العقل لا تكماها
الحاجه مبروكه .
اللي توجعك في العقل لا تكماها ... شكيتك لغيرك للوجع تهوين
و اللي تصيرلك دير العزوم انساها ... را النسو نعمة خير مالتضنين
و اللي تريد من قدرك تخصّ بلاها ... الحملة و لا تطلب جدا لخرين
و اللي عالخواطر هيّنة بغلاها ... اللي بعيد ديما خافية عالعين
و اللي نزل في دار حطّ كراها ... و ماعمرها ربّت سطور اثنين
و اللي هالبة مالعمر ما تفداها ... و را العمر مدة و الدهر يومين
و اللي ميش قسمك لو شقيت وراها ... سنين عمر واجد ما هوتلك دين
و اللي نظرها دوب مدّ خطاها ... العيب و القريضة تصلهن تلحين
و الرجال بالمحاضر مو بلبس كساها ... و ليّام للرفاقة عندهن تبيين
و اللي لا تغرّك لا دروب مشاها ... عطيبها بيش في ساعة الكرب يلين
و اللي جال في الدنيا و قاس صغاها .. هاضاك في الرفق ديما بجاوي زين
و اللي الحي يديرها يلقاها ... سوا خير و لّا شر راها دين
ـــــــــــــــــــــــــــــــــــــــــــــــــــ
ليست هناك تعليقات:
إرسال تعليق