عزة نفس :: عهود العريبي
:::: لوجه الله ::::
:::: لوجه الله ::::
****************
لك نعترف نلقاني حبيتك
رغم الظروف انكاني غلطان
:
ولك نعترف ياريتني ماريتك
يالغز غامض في حياتي كان
:
ولك نعترف مش كيف ماظنيتك
واعيون المحبة من بعيد أتبان
:
ولك نعترف حاولت قبل انسيتك
وربي جعل راحة معا النسيان
:
بلا مخادعة واطروح بانت نيتك
واللي عليا كان خافي بان
:
اكرهت الحياة ياريت ماغاليتك
والنار ماتكبر بلا دخان
:
انكان ع الرجاء يعلم الله راجيتك
ومالك عليا لوم لا حلفان
:
وانكان ع الوفاء معنى الوفاء وريّتك
أصل الوفاء في دنيتي عنوان
:
وانكان ع الغلاء يعلم الله غاليتك
ونلقانك امعايا دوم في الوجدان
:
لكن خساره عكس ماظنيتك
الله ايسامحك ما عاد فيك أمان
:
عشقتك لوجه الله بقسوة آلقيتك
يموت م العطش جنبك اللي عطشان
ليست هناك تعليقات:
إرسال تعليق