لوكان يا فورار[ فبراير]
ــــــــــــــــــــــــــــــــــ
لو كان يا فورار أتعود...
نين نفرزوا الثوار م الهبًود
أشوى لاورا لو كان
******
لو كان ترجع بينا
انراجع عقاب أسطور من ماضينا
نفحص أُجوه جدًت جديد علينا
وركبوا الموجه عطبك جديد أجدود
وداروا كتايب زارعاته فينا
الخوف من ظلمة ليالى سود
لو كان ترضى انفتشوا اتخلينا
عللى سرق ثورة تريس اصيود
ولو كان يا فورار اتعود
******
لو كان ترجع ثانى
انعاود الحسبه اندور عليه مكانى
وانشوف قصة مهزلة [ آل ثانى]
يا أنكمًل المشوار واللا أنعود
و انفتش عليه الثاير الحقانى
ونبعد اللى وقت الجهاد أرقود
ولو كان يا فورار اتعود
******
لوكان يا فورار
أتعود من جديد وانراجعوا المسار
من هو اللى بالحق فينا ثار
ومن هو اللى يهتف مع المنكود
وين من ما أنتصرنا وصار ماصار
جا مدعى بو وجه شين حقود
ودار روحه ثورى من الثوار
يسلب وينهب ما عليه أقيود
فى ليبيا [ السًفتول] ياما دار
ثاريته الليبى بالشًقا موعود
ولوكان يا فورار لنا أتعود
******
لو كان بس أترد
ياما أنصًفى من وجوه هبد
وأزلام نلقى فيك مالا حد
وكمين من صفًاق دار أجنود
وكمين من هفًاك متحلبد
وكمين من خاين عبر لحدود
وكى صار م الثوره عليها هدً
وعلينا انحسب ثاير بلا مردود
الثوره اسرقوها راهم أوحود أجدد
واللى دارها اطفروه طفر إيهود
خذوا خيرها غنايم أوحود لمد
ولجواد يستحوا من قطفة العنقود
وهابا عليك أسعود
ماعاد نفرزوا لجواد م الهبود
يا ليبيا هابا
ــــــــــــــــــــــــــــــــــــــــــــــــــــــــــ
شعر عبدالحميد السنوسى
أشوى لاورا لو كان
******
لو كان ترجع بينا
انراجع عقاب أسطور من ماضينا
نفحص أُجوه جدًت جديد علينا
وركبوا الموجه عطبك جديد أجدود
وداروا كتايب زارعاته فينا
الخوف من ظلمة ليالى سود
لو كان ترضى انفتشوا اتخلينا
عللى سرق ثورة تريس اصيود
ولو كان يا فورار اتعود
******
لو كان ترجع ثانى
انعاود الحسبه اندور عليه مكانى
وانشوف قصة مهزلة [ آل ثانى]
يا أنكمًل المشوار واللا أنعود
و انفتش عليه الثاير الحقانى
ونبعد اللى وقت الجهاد أرقود
ولو كان يا فورار اتعود
******
لوكان يا فورار
أتعود من جديد وانراجعوا المسار
من هو اللى بالحق فينا ثار
ومن هو اللى يهتف مع المنكود
وين من ما أنتصرنا وصار ماصار
جا مدعى بو وجه شين حقود
ودار روحه ثورى من الثوار
يسلب وينهب ما عليه أقيود
فى ليبيا [ السًفتول] ياما دار
ثاريته الليبى بالشًقا موعود
ولوكان يا فورار لنا أتعود
******
لو كان بس أترد
ياما أنصًفى من وجوه هبد
وأزلام نلقى فيك مالا حد
وكمين من صفًاق دار أجنود
وكمين من هفًاك متحلبد
وكمين من خاين عبر لحدود
وكى صار م الثوره عليها هدً
وعلينا انحسب ثاير بلا مردود
الثوره اسرقوها راهم أوحود أجدد
واللى دارها اطفروه طفر إيهود
خذوا خيرها غنايم أوحود لمد
ولجواد يستحوا من قطفة العنقود
وهابا عليك أسعود
ماعاد نفرزوا لجواد م الهبود
يا ليبيا هابا
ــــــــــــــــــــــــــــــــــــــــــــــــــــــــــ
شعر عبدالحميد السنوسى
ليست هناك تعليقات:
إرسال تعليق