ما يحدث فى بنغازى
حرّك قريحة شاعر ... فقال
بين دروع وبين أخوان .... الموقف بان .... سبب في تخريبة لوطــــان
بين أخوان وبيـــــن أدروع .... وكم مشروع .... امخطط فالدوحه مصنوع
إيجي تنفيذه قبل أسبـــــوع .... وفأقرب وان .... بدولار الدوحه مليــــــان
إلا دم الليبي مبيـــــــــــوع .... بدون أثمــان .... إيعدي كي هفو الدخـــان
والمفتي صوته مسمـــــوع .... إصدار بيان .... ايحلل ويحرم صـــــــوان
وخاطي كم واحد ملســــوع .... بسم لسان .... بتشويه وتحريف كيــــــان
انرد علي صلب الموضوع .... نداء فرسان .... ليبي كله فأي مكـــــــان
السكته والذله ممنـــــــــوع .... الموعد حان .... إنردو هيبتنا بأمـــــــان
ولا ترضو عيشه بخنـــوع .... مع عدوان .... وتاريخ إيشرف ينهــــان
بين دروع وبين أخوان .... الموقف بان .... سبب في تخريبة لوطــــان
ليست هناك تعليقات:
إرسال تعليق