رحم الله شهدائنا
يارب لا تجعل دماء الشهداء
تذهب هباء
صورة تعبر عن جميع
شهداء ليبيا الحقيقيين
……………………………………………………………………..
بالله يا شهيد اسمحلنا واعذرنا .. نلقانا علي ردت كفاك اقصرنا
بالله يا شهيد اسمحلنا و اعفينا .. لك لعتذار العهد ما وفينا
نلقانك انك دافع اسوام ثمينا .. غير من بياختنا ابهن تاجرنا
ساعة اوداعك ع النبي صلينا .. لله نبتهل لشهادتك كبرنا
ولك يا شهيد ابعاطفه انحنينا .. اوموكب كرامة دفنتك نورنا
عليك ابصخا ما من اعيون حزينا .. ابدم المواقي دمعهن دردرنا
ودمك سلكنا فيه واستوفينا .. بعدما تراب الغالية حررنا
اوقلنا انُا توا احرار ابقينا .. حمد الله لنصرته وشكرنا
لكن خذلنا من عليه اعبينا .. همش طموح الحلم واتصورنا
باعد بصيص الامل و امنينا .. بيهن مسافه لاورا وخرنا
اسواء ظروف ابعدك مرن بينا .. اولا ابعدك (جبة) لولي غيرنا
واللي امنجلها ضحيت يا (سامينا) .. انطمست انتسيت والجميل نكرنا
دمك وروحك يا شهيد انسينا .. وجا كيدنا في نحرنا انتحرنا
اخصام وفجايع دهك جالطينا .. اوعامي الله ع الطيبات بصرنا
امواير القسم باتت اتبين فينا .. من يوم يا شهيد الوطن بيك غدرنا
نقضنا العهد امعاك واختلينا .. اودرنا اللي ضدك عليه اقدرنا
ارواحنا علي صخرة الياس القينا .. حصيلة الهول اللي عليه صبرنا
واجد اللي جانا قسم بيمينا .. يخدم الوطن ويجبره خاطرنا
الموجا اركب ع النصر حصل عينا .. ابنفس المتاها لولا ذكرنا
وين بالوظيفة حصله تحصينا .. حط محوره واحنا لغا امحورنا
جوٌه اطرب تما اينوف علينا .. بو دبل شفره م الطريق دفرنا
تبنا اسياسة لولين الشينا .. بين النواظر بالخداع سطرنا
واعلام بركاكه يدقل من عينا .. ابقولت جميع احدودنا صوقرنا
وما من مصايب م الحدود اتجينا .. عليهن اللي هالحين ما سيطرنا
والله ما عليهن مشغله تلهينا .. اولا راي تسقٌم عليه عمرنا
في نفق مظلم تايهين مشينا .. بخطاء سابقة بنفس الخطاء كررنا
واللي قال ماصارت ولا خلينا .. انعد الشيش بالطرف كان اسكرنا
لا جد شي ولا بلاد بنينا .. خيال لولي مزال مستعمرنا
لا امعاش لمواطن ايجي في حينا .. ولا مصلحه بين الخلايق درنا
اولا من احصل في دين خلٌص دينا .. ولا عد ابخاطر لليتيم جبرنا
اولا من انصاب ابسو بيه اشقينا .. اولا من فقد ليله عليه سمرنا
اولا للنوابغ فالوطا حطينا .. امفيت ما مطبات الطرق كثرنا
بالله يا شهيد اسمحلنا واعذرنا .. نلقانا علي ردت كفاك اقصرنا
بالله يا شهيد اسمحلنا فالقصره .. يامن بدمك وطن شاري نصره
اتريده شهير وما خلق في عصره .. بمن او امان او للمعالي سرنا
جونا دواهي يالعبوا فالبصره .. معاهم ثلاث اطروح تو اخسرنا
الوصرة اللي مازال نفس الوصره .. وحرنت جواد البخت نفس الحرنا
عليك ما انطول والعلل نختصره .. فيك يا ولد ياريت ما انقهرنا
بالله يا شهيد اسمحلنا واعذرنا .. نلقانا علي ردت كفاك اقصرنا
تحرير.تعليق واحد
بشير قال: 