ها يم ....... بيها
هــايم...بيــها
ـــــــــــــــــــــــــــ
ـــــــــــــــــــــــــــ
هايم بيها ..يسمينها وشلالها و وأديها
مش عشق.. درنـــه القلب هايم بيها
ماننساها.
حتي ولو طال البعاد أمعاها
في القلب عاش وفي العيون غلاها
هلي علي روحي غلي شاطيها
محتار نا في صيفا وشتاها
حاجة تشدك من بعيد تجيها
درنه ..انا عاشق نسيم هواها
حتي ولو مفارق غوالي فيها
مانسيت يا لصحاب دمع ابكاها
مازال تذرفله سواقيها.
واحلامي اللي كان الزمان طواها
مازلت نحكيله الليل عليها
ونذكرك ديما بلون سماها
بنيه صغيرة محنيات أيديها
سهرة مع درنه وفي ذكراها
واجد ليالي عمر ما تساويها
سبحان من صورها ....
بشوق الجبل حاظن امواج بحرها
واللي عيونا عاجزة تنظرها
مالصعب أحساس الوفا يهيديها
اللي كي تبان روحي يغيب جظرها
ننسي الشقا نرتاح وين نجيها
و محال نقدر نرحل نغادرها
و القلب من جدا..عشق غاويها
ـــــــــــــــــــــــــ
هايم بيها يسمينها وشلالها و واديها
مش عشق درنه القلب هايم بيها ؛
ليست هناك تعليقات:
إرسال تعليق