ماعليكم فينا
بيكم بلاكم ع الدموع خذينا
مسامحين عدّوا ماعليكم فينا
ما عليكم منا
من قبل مانا موالفين محنّه
راضين باللي صار رغماً عنا
إرضينا ومش عارفين ليش إرضينا
ولو كل واحد نال مايتمنى
مهناك في الدنيا قلوب حزينه
ماعليكم فيهن
إنتو فارقو وخلّو الدموع عليهن
ليهن رب خالقهن ويلطف بيهن
راضيات بالقسم وباللي تجينا
و ما دام فيهن دمع نبكّوا بيهن
بكانا .. ولا تجدّاي من جافينا
ـــــــــــــــــــــــــــــ
منقول ....
ليست هناك تعليقات:
إرسال تعليق