ليبيين مهما يصير فينا نردو خوت ونديرو الزينه : الشاعر خالد محمد المغربى

ليبيين مهما يصير فينا

 نردو خوت ونديرو الزينه

مهما تصير سية

نجو للخير ونصفو النية

فينا قلوب وداده نقية

معروفين مغير سالو علينا

مانهونو بعضنا

حتى انكان لوطحنا افترضنا

وقفة عز تلقونا نهضنا

بحبل الله موصوله ايدينا

احنا خوت ديما

ننسو الجرح والامه وضيمه

حتى انكان جاب الحزن غيمه

يزول الغيم وايامه وسنينه


الشاعر / خالد محمد المغربي