اللي يصون
ودّك فى إعيونك صونه
الشاعر الغنائى / فرج بالحمد
اللي يصون ودّك فى إعيونك صونه
والصاحب اللي يهونك حلال إتهونه
اللي عاف ودّك سيبه
والعيب مايبقى أكفاء للعيبه
والصاحب اللي ودّه عليه الريبه
حلال تتركه لاهو نفَس لامونه
واللي خاطرك داير عزيز حبيبه
ودّك لزرعه أتكون روقة عونه
الرفقه كانهي تمّت إعيوب عطيبه
تبقى إتريد الخير تقصر دونه
اللي عاف ودّك عافه
واللي يتركك تقدر إدير إخلافه
وأصحاب الضماير ميّته التلافه
ديما رفقهم ع الجفاء والخونه
اللي عاف خلّك منه
واللي يتركك تنساه تبعد عنه
والي يقدّرك حقك عليه محنـّه
واللي إيعيب خلّي سيّته مركونه
الموت والحياة والنار وأخرى الجنـّه
في يدّ ربّنا خالق وحاكم كونه
وحتى الذهب يفرق أبحسّ الرنـّه
والصاحب أفعاله يشرحن مكنونه
ـــــــــــــــــــــــــــــــــ
ليست هناك تعليقات:
إرسال تعليق