عايش على ميت الحى إلقيته .
الشاعر : حسن علي بوالدرديه المنصوري
عايش علي ميت الحي القيته ... والميت ايهلب ف العطيب ابصيته
عايش علي ميت الحي اصدفته ... وهو فالحقيقه وين ما خرفته
عدا بي بعيد ومن سواله عفته ... علي ذكر جده متكل ثاريته
عرف بروحه فالحديث عرفته ... دليل دلني رده علي حيثيته
اهناك وصف هو قيسه وبه وصفته ... علي قبر فالماضي امبوج بيته
...
داير علي ماضيه بابا زنه ... وهو فالحقيقه ما يوازي غنه
يريد العرب بالزين تحكي عنه ... وهو عفن ما يقدر ايحل لويته
فخر البنادم راه باللي منه ... حتى لو حكالك بيش عن بيتيته
كم مين اسم يسمى اوواخذ طنه ... واليوم هله ما يسوو ولا سفريته
فخرك بجدك راه موش معاره ... واجب عليك ايشرفك تذكاره
حتى كان ماضي وانطوى باسراره ... وعدا زمانه والعرب ناسيته
ما ينفعك قابيت غافر داره ... واللي بناه بجيتك هديته
كان انت راجل دير كي ما داره ... راه الاسم واعر وين ما سميته
وكان انت نايض ما تساوي باره ... ما يشكرك جدك ان كان طريته
خبر علي جدك او جيب سريبه ... واشكر نباه وزيد في تنسيبه
وارعا بداك من منزل اديار عطيبه ... حتى و كل حد حبله علي سانيته
ولا تعاف لا والي علي تنسيبه ... فعل الابن ادم هو زمام قضيته
تفرق ارمام البيت مالتكريبه ... لحوله اتبان اتبان بالتبهيته
وامغير وانت ساكت اتطير الغيبه ... يظهر رصيد الهبل لا سهريته
ـــــــــــــــــــــــــــــــــــــــــــــــــــ
ليست هناك تعليقات:
إرسال تعليق