عزة نفس :: الارتياح
عهود العريبي
******************
مرتاحة كثر خيرك .. مانريد منك شي
بينك وبين ضميرك .. والله هنت عليّ
نحسابك ونس وآمان .. وعون وقت الشدة
ونبعك يفيض حنان .. وتعمر جناين ورده
ونا أنقولك بالساهل .. م أغيابك اثر فيّ
:
مرتاحة باهي حالي .. مادام هضا ردك
وما عاد تشغل بالي .. مرّت سحاب انعدك
كنت شاغل فكري .. وليك قدر وشأن
وسلمتلك في امري .. وبقيتلك عنوان
ونا انقولك مربوحة .. مانك عديلآ ليّ
:
مرتاحة رايق بالي .. مادامك نويت الهجر
وما عاد اريد غوالي .. يختم غلاهم غدر
نحسابك مقدّر ظرفي .. والحال كيف أحوالي
ونا انقولك اعذرني .. لا نسامحك ولا تجي
:
مرتاحة بالي واجد .. ما يوم فيه جرحتك
راجع ضميرك تاجد .. معنى الوفا عرّفتك
نحسابك اتصون غلاي .. وتبقى رفيق لروحي
واتكمل الدرب معاي .. آلقيتك سبب في جروحي
وانعاود أخرى وانقولك .. م أغيابك اثر فيّ
******************
مرتاحة كثر خيرك .. مانريد منك شي
بينك وبين ضميرك .. والله هنت عليّ
نحسابك ونس وآمان .. وعون وقت الشدة
ونبعك يفيض حنان .. وتعمر جناين ورده
ونا أنقولك بالساهل .. م أغيابك اثر فيّ
:
مرتاحة باهي حالي .. مادام هضا ردك
وما عاد تشغل بالي .. مرّت سحاب انعدك
كنت شاغل فكري .. وليك قدر وشأن
وسلمتلك في امري .. وبقيتلك عنوان
ونا انقولك مربوحة .. مانك عديلآ ليّ
:
مرتاحة رايق بالي .. مادامك نويت الهجر
وما عاد اريد غوالي .. يختم غلاهم غدر
نحسابك مقدّر ظرفي .. والحال كيف أحوالي
ونا انقولك اعذرني .. لا نسامحك ولا تجي
:
مرتاحة بالي واجد .. ما يوم فيه جرحتك
راجع ضميرك تاجد .. معنى الوفا عرّفتك
نحسابك اتصون غلاي .. وتبقى رفيق لروحي
واتكمل الدرب معاي .. آلقيتك سبب في جروحي
وانعاود أخرى وانقولك .. م أغيابك اثر فيّ
******************
ليست هناك تعليقات:
إرسال تعليق