بعد عزمهن لنظار ليش إدماعن
كمل صبرهن وألا هواهن طاعن

عبدالعظيم باقيقه 

…..
ليش انهالن

عصن غالبن دمعي غلبهن سالن

 
صمّلتهن نحسابهن يصمالن

زادن أبكا مابن العقل إيراعن ..

عليهن خطر كي عالوسادة مالن 

ربيع عمر ياما من زهاه إشباعن

في موح غربتهن اليوم إذبالن 

لاراي صدرن لا اللي شرن لا باعن 

……
ليش أيزلّن 

معايا مشن نص الطريق أوولّن 

ياما حمول أثقال عني تلّن 

وياما عصني والهموم أنواعن 

وياطول ما فمحراب صبري صلّن 

ثبت أجرهن لا ضيّعن لا ضاعن 

ويا طول ما بشوك الرحيل أسلّن 

حفاهن أنتعلن لا شكن لا أقداعن 

لا طلبن عون ولا بكّن لا كلّن 

لا عمرهن مرة أسراري ذاعن 

واليوم قيسهن شيل المواجع ملّن

علي خدود صاحبهن همّن أفراعن 

وتمّن أيجرّن نين صدري بلّن

كما دمع ثاكل ما تطيق أوداعن 

اللي قبل من ذيب الخلا ما ذلّن 

اليوم من أمهاياته الريم أفجاعن

وليش أدماعن

 ــــــــــــــــــــــــــــ