من إبداعات الشاعر نعيم الزوى
من إبداعات
الشاعر نعيم الزوى
الى المؤتمر الوطنى
اليوم مـــددّوا قاعدين همّا همّا
نفس الوجوه اللى اتجيب الغمّه
نفـــس الشلة ونفس الوجــــــــوه البايســه والعله
يا ليبيا حـــــــالك عليـــــــه اسمــلّا
مادام حتى الطفــــل ســايل دمـّـه
نفس الحال ونفس العــــــذاب اللى معانا طــال
اليـــوم وضعنا يبى إعـــــزوم ارجال
مـــــوش ناس فرحانه تريد القمـّـه
نفس الهم ونفس الشقا والسم
نفس السم اليوم شعبنا غارق إغرق فى الدم
زعــــــلان خايـــــف سكروله فمّه
كيف العاده اليـــوم الوجيعـــه زايــــده بزياده
مافيه والى غيـــــــرته لبــــلاده
اليوم كلها باعـــت خلاص الذمّه.
قلم // نعيم الزوى *** من تونس العاصمة ارسل سلامى الى كل طفل فى ليبيا وربى يحفظهم من كل سؤ وسلام خاص لمدينتى الغالية بنغازى ***
ليست هناك تعليقات:
إرسال تعليق