وصل بيت شعر ‫للشاعر المرحوم إدريس الشيخى .. إيقول لجواد إنتهوا وإللى إلوطا ابلعتم ..

وصل بيت شعر 

‫للشاعر المرحوم إدريس الشيخى .. إيقول

لجواد إنتهوا وإللى إلوطا ابلعتّم .. 

واللى نا ذاهب علي جرّتم

فردالشاعر ‫ قائلاً ........

لجواد لا تواروا لا وطا إبلعتّم .. في كل وطن اقعود في تمّتم

لجواد ما إيتواروا .. ولا عمرهم في شان طمعه صاروا 

لنذال هم اللي عالماده يجاروا .. نين توجعك تندم علي عرفتم 

اولجواد فالوجاب السمح ما يحتاروا .. وثقة إعقول أواثقه كلمتهم 

لجواد فيهم عاده .. أكرام الوجوه الضيفهم وداده 

إيجيك فالوعا طعامهم بزياده .. وتشعر براحة نفس في نظرتم 

ولنذال تلقاهم أتقول أجراده .. ما يلعبوش بعيد عن قطرتم 

ما عمرهم تموا الحي إسناده .. ولا يشبعوا جيعان من قصعتم